Cali iat a podi essi sa cunseguèntzia de is mudamentus chi funt sutzedendi in su cumèrciu?
Ghetaus unas cantu de intzertus e cumbinnatzionis de causas e cunseguentzias:
Scenàriu 1
Amazon ghetat a terra sa distributzioni manna / Is negòtzius piticus si ndi avantagiant de sa sderruta de sa distributzioni manna e abarrant is ùnicus a bendi in su territòriu.
Scenàriu 2
Google Shopping si ponit deacòrdiu cun sa distributzioni manna e su monopòliu de Amazon diventat duopòliu.
Scenàriu 3
Amazon si pigat su monopòliu de is produtus standard (telefoneddus, lìburus, eletrodomèsticus) ma no de is produtus non standard (casu, binu, sartitzus, produtus personalitzaus) in favori de is negòtzius piticus.
Scenàriu 4
Sa torrada bincidora de is negòtzius piticus, chi inghitzant a bendi online in is bidda/tzitadis amarolla, po nexi de su covid.
Scenàriu 5
Glovo e is àterus gestoris de is trasportus (chi giai pigant òrdinis po pizerias e ristorantis) inghitzant a bendi in su shopping (no est nau chi no apant giai inghitzaus a ddu fai) in favori de is negòtzius piticheddus.
Scenàriu 6
Sa distributzioni mannau si mudat in magasinu e si ponit diacòrdiu cun Glovo e cun Google Shopping, contras is negòtzius piticus e Amazon.
Scenàriu 7
Ordinaus in is negòtzius piticus de unu muru eletrònicu postu in foras, unu cumissu preparat totu cantu e in cincu minutus ti betis sa spesa, cumenti chi fessit unu McDonald’s.
Opuru unu amesturu de totu custus intzertus
Tenis una azienda e iat a bolli fai una campàngia de comunicatzioni in lìngua sarda?
